Այսօր Ազգային ժողովում զեկուցել եմ մի քանի կարևոր նախագծեր.
Կապահովվի տնային կալանքում գտնվող անձանց հանրակրթության իրավունքը: Քրեական դատավարության շրջանակներում կնախատեսվեն դատաքննության հստակ ժամկետներ՝ քրեական գործը պետք է քննվի մեկ տարվա ընթացքում: Դատարանը կարող է պատճառաբանված որոշմամբ ոչ ավելի քան երկու անգամ երկարաձգել նշված ժամկետը՝ յուրաքանչյուր դեպքում առավելագույնը մեկ տարի ժամկետով։ Պատժից պայմանական վաղաժամկետ ազատման համար տուժողին պատճառված վնասը հատուցած չլինելը այլևս խոչընդոտ չի կարող հանդիսանալ: Միևնույն ժամանակ, ազատելու վերաբերյալ որոշում կայացնելու դեպքում դատարանի կողմից անձի վրա դրվելու է պարտականություն՝ ազատության մեջ գտնվելով աշխատել և հատուցել տուժողին պատճառված վնասը:2026 թվականի հունվարի 1-ից մայիսի 1-ն ընկած ժամանակահատվածում ՀՀ ԱՆ քրեակատարողական հիմնարկներից պայմանական վաղաժամկետ ազատվել է 80 դատապարտյալ (2025թ. հունվարի 1-ից մայիսի 1-ը՝ 39 դատապարտյալ):
