ՀՀ վարչապետի աշխատակազմի ղեկավար Արայիկ Հարությունյանը սոցցանցի իր էջում տեսանյութ է հրապարակել ՔՊ կենտրոնական շտաբից:
Այնտեղ Հարությունյանը, ՔՊ կուսակցականների հետ միասին հետևում է ընտրությունների արդյունքների ամփոփման ընթացքին:
Ըստ Հարությունյանի՝ նախնական արդյունքները շատ գոհացուցիչ են և դժվար թե մեծ փոփոխություններ տեղի ունենան: Նա ասել է, որ դեռ չկան խոշոր ընտրական տեղամասերի արդյունքներ, սակայն դժվար թե պատկերը փոխվի ու այլ քաղաքական ուժի հաջողվի կազմել մեծամասնություն:
