Որքան էլ ատոմակայանը շատ բարդ ենթակառուցվածք է, բայց ատոմակայանների հետ կապված գործընթացները բավականին պարզ ու հստակ են: Այս մասին այսօր Ազգային ժողովում կառավարության հետ հարց ու պատասխանի ժամանակ ասաց Տարածքային կառավարման և ենթակառուցվածքների նախարար Գնել Սանոսյանը:
Նա նշեց, որ հստակ կան չափորոշիչներ, կա կայան: «Այս պահին մեր ատոմակայանը ունի մինչև 2026 թվականն աշխատելու լիցենզիա, որոշ ուղղություններով ունի մինչև 2011 թվական աշխատելու լիցենզիա, և վերջերս կառավարությունը ընդունեց ևս մեկ որոշում, թե ինչ հավելյալ աշխատանքներ է պետք անել, որպեսզի ատոմակայանի աշխատանքի ժամկետը երկարացվի 2026 թվականից մինչև 2036 թվական»,- ասաց նա:
Գնել Սանոսյանն ասաց, որ հսկայական աշխատանք է տարվել և հին գրեթե ոչինչ չի մնացել: «Ես մեկ-մեկ ասում եմ՝ մեր ատոմակայանում ամեն ինչ նոր է, բացի աշխատակիցներից»,-ասաց նա և կարևորեց փորձառու աշխատողների դերը:
