Առաջնային առողջապահությանն հաստատություններում արդեն իսկ կցագրվել է Լեռնային Ղարաբաղից բռնի տեղահանված 8000 անձ։ Այս մասին Կառավարության «Հումանիտար կենտրոնի» ճեպազրույցի ժամանակ տեղեկացրեց վարչապետի մամուլի խոսնակ Նազելի Բաղդասարյանը
«Հիշեցնեմ, որ պետք է դիմել տվյալ բնակավայրի ամբուլատորիան, որպեսզի ձեր առողջության հետ կապված խնդիրներն ավելի հարթ ընթանան և կարողանաք առաջնային օղակից օգնություն ստանալ», — նշեց Բաղդասարյանը։
Նա նաև շեշտեց, որ հայաստանյան բուժհաստատություններում այս պահին շարունակում է բուժում ստանալ ԼՂ-ից ՀՀ տեղափոխված 324 անձ։
