Ստալինյան ոճի ֆիկտիվ դատավարությունների միջոցով Լեռնային Ղարաբաղի ղեկավարներին առևանգելը Հայոց ցեղասպանության իրագործողների՝ երիտթուրքերի ստորագրությունն է՝ ուղղված ժողովրդին իրենց առաջնորդներից զրկելուն։
Այս մասին X-ի (նախկին «Թվիթեր») իր միկրոբլոկում գրել է Բելգիայում Հայաստանի դեսպան և Եվրոպական Միությունում Հայաստանի ներկայացուցչության ղեկավար Տիգրան Բալայանը:
«Էթնիկ զտումների մոդելն ապացուցում է, որ Ադրբեջանի նախագահի խոստումները մոլորություն են»,- հավելել է նա:
Հիշեցնենք, որ Ադրբեջանը կալանավորել է ԼՂ մի քանի ներկա և նախկին բարձրաստիճան պաշտոնյաների, որոնք փորձել էին հատել Հակարիի կամուրջը և գալ Հայաստան:
