Թաթուլ Հակոբյանը գրում է․
Թարմ ուղեղով՝ դառը սուրճի հետ
Ես չգիտեմ՝ Վտարանդի կառավարություն հիմնադրելը առողջ գաղափար է, թե՝ ոչ: Օրինակ, ի՞նչ է տվել Աբխազիայի Վտարանդի կառավարությունը, որ 30 տարի գործում է Թբիլիսում: Պետք է լուրջ ուսումնասիրել և հասկանալ:
Բայց մի բան հաստատ է:
Սամվել Շահրամանյանը, որ ստորագրել է Արցախի լուծարման հրամանագիրը, անշուշտ՝ սպառնալիքի տակ, բայց դա էական չէ, իրավունք չունի որևէ պաշտոն զբաղեցնել:
Որևէ պաշտոն չեն կարող զբաղեցնել այն 22 պատգամավորները, որոնք Երևանի իրենց տերերի հրահանգով իրականացրեցին հեղաշրջում՝ էլ ավելի մոտեցնելով աղետն ու փակելով Արցախում հայ ժողովրդին պահելու վերջին հնարավորությունը:
Աղետից մեկ րոպե առաջ իշխանության ձգտումն ու փողի հոսքերի կառավարումը, մեղմ ասած, արդարացում չունի:
Սամվել Շահրամանյանը և դավադրությանը մասնակից բոլոր պաշտոնյաները/պատգամավորները պետք է խոսեն ու պատմեն, թե ով, ինչպես և ինչու եփեց այս ողբերգությունը: Առնվազն պետք է խոսեն լրագրողների առաջ:
Հ Գ անշուշտ, 44֊օրյա աղետի և վերջին երեք տարիների պատասխանատուն Նիկոլ Փաշինյանն է
Թ. Հ.
Դովեղ, 9 հոկտեմբեր, 2023
