ՃՏՊ Արմավիր քաղաքում. կան տուժածներ

Հոկտեմբերի 20-ին, ժամը 13:05-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արմավիր քաղաքի Արարատյան և Սայաթ-Նովա փողոցների խաչմերուկում տեղի է ունեցել ՃՏՊ. կա տուժած: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ բախվել են «GAZ» մակնիշի բեռնատարը (վարորդ՝ Վ. Մ.) և «VAZ» մակնիշի ավտոմեքենան (վարորդ՝ Ա. Հ., ծնված 1979 թ․): Մինչ փրկարարների կանչի վայր հասնելը՝ «VAZ» մակնիշի ավտոմեքենայի վարորդը, ուղևորներ Հ. Ե.-ն (ծնված 1990 թ․) և Ս. Հ.-ն (ծնված 2012 թ.) տեղի ուժերով դուրս են բերվել ավտոմեքենայից և տեղափոխվել բժշկական կենտրոն, որտեղ վարորդը և ուղևոր Հ․ Ե.-ն ստանալով համապատասխան բուժօգնություն՝ դուրս են գրվել, իսկ Ս․ Հ.-ի առողջական վիճակը բժիշկները գնահատել են ծանր։ Փրկարարները հոսանքազրկել են ավտոմեքենաները և փակել գազի բալոնների փականները:

Աղբյուրը՝

https://www.facebook.com/rescueservicera/posts/284513227878120?ref=embed_post