Երևանի ավագանու արտահերթ նիստում այսօր փոխքաղաքապետեր նշանակվեցին և ընտրվեցին խմբակցությունների ղեկավարներ:
Արտակարգ իրավիճակների նախկին նախարար, իշխող «Քաղաքացիական պայմանագիր» կուսակցության անդամ Արմեն Փամբուխչյանը նշանակվեց Երևանի առաջին փոխքաղաքապետ, քաղաքապետի նախկին պաշտոնակատար Լևոն Հովհաննիսյանը՝ երկրորդ փոխքաղաքապետ:
Քաղաքապետի տեղակալ Սուրեն Գրիգորյանը վերանշանակվեց իր պաշտոնին: Մինչև փոխքաղաքապետ նշանակվելը Գրիգորյանն արդարադատության փոխնախարար էր:
«Հանրապետություն» խմբակցությունից փոխքաղաքապետ նշանակվեց Սարգիս Մադաթյանը:
