Այսօր՝ նոյեմբերի 4-ին, խոշոր հրդեհ է տեղի ունեցել Գեղարքունիքի մարզում: Ժամը 15:45-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Վաղաշեն գյուղում անասնակեր է այրվում:
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել է Մարտունու թիվ 33 հրշեջ փրկարարական ջոկատից 2 մարտական հաշվարկ:
Մինչ հրշեջների ժամանումը՝ կրակի տարածման դեմ պայքարել են գյուղացիները:
Օպերատիվորեն ժամանել են նաև ՀՀ ՆԳՆ Ոստիկանթյան պարեկային ծառայության Գեղարքունիքի մարզի գումարտակի պարեկները՝ գումարտակի հրամանատար Ալբերտ Մարտիրոսյանի, գումարտակի տեխնիկայի գծով ավագ տեսուչ Բակուր Սարիբեկյանի գլխավորությամբ:
Պարզվել է, որ այրվել է մոտ 900 հակ անասնակեր:
Ժամանել է նաև Ոստիկանության Մարտունու բաժնի օպերատիվ խումբը՝ բաժնի պետ Ստեփան Հակոբյանի գլխավորությամբ:
Ոստիկանությունը պարզում է անասնակերի սեփականատիրոջ ինքնությունը, և ինչ հանգամանքներում է հրդեհ բռնկվել:
Ֆոտոլրագրողի տեղեկություններով, հրդեհի հետևանքով, բարեբախտաբար, տուժածներ չկան:
Լուսանկարները՝ Սևակ Սահակյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2023/11/05/1249558?fbclid=IwAR1sZLpusazM8bAxrWJLS5xPrQ8N6afdyFW7C129lCYN-j—ufrAcIWz7rA
