ՀՀ կառավարության վաղվա նիստի օրակարգում ընդգրկված է Հայաստանի Հանրապետության և Եվրոպական հանձնաժողովի միջև համաձայնագրին հավանություն տալու մասին հարցը:
Հայաստանի Հանրապետության և Եվրոպական հանձնաժողովի միջև նախատեսվում է «Ֆուկուշիմայի դեպքից հետո իրականացված սթրես-թեստերից քաղած դասերի իրականացում» ֆինանսավորման համաձայնագրի կնքում՝ 2 մլն եվրո արժողությամբ, որը կուղղվի շարժական դիզել պոմպերի ձեռք բերմանը: Դրանք կբարձրացնեն ՀԱԷԿ 2-րդ էներգաբլոկի անվտանգության մակարդակը՝ ուժեղացնելով դիմակայությունը արտաքին ազդակներին և բարելավելով ծանր վթարների կառավարումը։
Համաձայնագրի կնքումը Հայաստանի Հանրապետության համար լրացուցիչ ֆինանսական պարտավորություններ չի առաջացնում:
