Ոստիկանությունը շարունակում է իրականացնել բնապահպանական ոլորտի հանցագործությունները կանխելուն, խափանելուն և բացահայտելուն ուղղված միջոցառումները։ Նոյեմբերի 16-ին Տավուշի բաժնի քրեական հետախույզները «Նորաշենի անտառպետության» տարածքում շրջագայելիս նկատել են ապօրինի ծառահատումներ կատարող 33-ամյա մի տղամարդու։
Այս մասին հայտնում են ՀՀ ՆԳՆ ոստիկանությունից:
Ըստ նորաշենցի տղամարդու՝ հատել էր տարբեր տեսակի և տրամագծի 32 թաց կանգուն ծառեր։ Տարածքի զննությամբ հայտնաբերվել են հաճարենու, բոխու կոճղերից ու ճյուղերից առաջացած՝ ընդհանուր 1 խմ փայտանյութ։
Կատարվածի հետևանքով պետությանը պատճառվել էր 172 հազար 750 դրամի գույքային վնաս։
33-ամյա տղամարդը ներկայացվել է Բերդի քննչական բաժին։ Հանգամանքները նախաքննությամբ պարզվում են։
