Հայտնի են Եվրոպայի առաջնության ընտրակա փլեյ-օֆֆ փուլի կիսաեզրափակիչ զույգերի անունները։ Շվեյցարիայի Նիոն քաղաքում տեղի ունեցած վիճակահանության արդյունքում միմյանց դեմ կմրցեն.
Ուղի A
Լեհաստան — Էստոնիա
Ուելս — Ֆինլանդիա
Ուելս-Ֆինլանդիա խաղի հաղթողը կհյուրընկալի այս խմբի եզրափակիչ հանդիպումը։
Ուղի B
Իսրայել — Իսլանդիա
Բոսնիա և Հերցեգովինա — Ուկրաինա
Բոսնիա և Հերցեգովինա – Ուկրաինա խաղի հաղթողը կհյուրընկալի այս խմբի եզրափակիչ հանդիպումը։
Ուղի C
Վրաստան — Լյուքսեմբուրգ
Հունաստան — Ղազախստան
Վրաստան — Լյուքսեմբուրգ խաղի հաղթողը կհյուրընկալի այս խմբի եզրափակիչ հանդիպումը։
Ընդգծենք, որ յուրաքանչյուր խմբից Եվրո-2024-ի ուղեգիր նվաճելու է միայն մեկ հավաքական։ Կիսաեզրափակչի 6 հանդիպումները տեղի կունենան 2024 թվականի մարտի 21-ին, իսկ եզրափակիչները՝ մարտի 26-ին:
Փլեյ-օֆֆի երեք ուղեգրերը վիճարկող հավաքականները կմիանան Եվրո 2024-ի 20 թիմերին, որոնք արդեն որակավորվել են եզրափակիչ փուլին (գումարած հյուրընկալող երկիր Գերմանիայի հավաքականը):
