«Այսօր ես հանդես եմ գալիս ոչ միայն որպես ԱԺ պատգամավոր, այլ նաև Բաքվում ծնված՝ կյանքի վտանգի սպանալիքով բռնի տեղահանված, ինչպես նաև «Գարդման-Շիվան-Նախիջևան» հասարակական կազմակերպության հիմնադիր և նախագահ»:
Այս մասին այսօր Ազգային ժողովում «Հայկական պատմամշակութային ժառանգության հետքը Բաքվում» խորագրով ցուցահանդեսի բացման ժամանակ ասաց «Քաղաքացիական պայմանագիր» խմբակցության պատգամավոր Վիլեն Գաբրիելյանը:
«Հասարակական կազմակերպության անվան բաղադրիչները այն պատմական տեղանքներն են որտեղ հայությունը ապրել, արարել և իր ուրույն մշակույթն է ստեղծել հազարամյակներ շարունակ: ՀԿ-ն ստեղծվել է Ադրբեջանական իշխանությունների կողմից բռնության ենթարկված հայության իրավունքների պաշտպանության, ինչպես նաև փաստացի ադրբեջանական վերահսկողության տակ գտնվող տարածքներում հայկական մշակությանի ժառանգության պահպանության խնդիրների վերահնման և փախստականների խնդրի արդարացի և շուտափույթ կարգավորման նպատակով»,- ասաց Գաբրիելյանը և հավելեց. «Ինչպես գիտեք հայերի բռնի գաղթը Ադրբեջանում սկսվել է 1988 թվականի փետրվարի 27-ից՝ Սումգաիթի ջարդերով, որը շարունակվել է Բաքվում և Ադբեջանի այլ քաղաքաներում»:
ԱԺ պատգամավորը նկատեց՝ Ադրբեջանի էթնոֆոբ, ագրեսիվ այդ քաղաքականությունը շարունակվում է մինչ օրս, և վերջերս ԼՂ-ից ունեցանք մեր 100 հազարից ավելի հայրենակիցների բռնի գաղթ:
«Ադրբեջանում ծնված և ՀՀ տեղափոխված հայերի քանակը այս պահի դրությամբ 500 հազարից ավել է, իսկ ընդհանուր առմամբ Ադրբեջանից բռնագաղթած հայերի քանակը 800 հարյուր հազարից ավելի է:
Մեր ՀԿ-ի հիմնական նպատակը հետևողական պայքարն է Գարդման-Շիրվան և Նախիջևան հայերի ոտնահարված իրավուքնենրի պատշաճ բարձրաձայնման, արձանագրամն ու վերականգնման համար, այդ թվում նաև վերադարձի իրավունքը»,- ասաց Վիլեն Գաբիերյանը և նկատեց. «Ես ուզում եմ վստահեցնել, որ այն պահից սկսած, երբ Ադրբեջանի իշխանությունները ամրագրեն, վերականգնեն և փաստացի ապահովեն հայերի բոլոր ոտնահարված իրավունքները մենք պատրաստ ենք վերադառնալ մեր ծննդավայր՝ Ադրբեջան հանրապետություն և այնտեղ շարունակել ստեղծագործել բոլոր ոլորտներում՝ սկսած մշակութայինից մինչև տնտեսություն»:
Պատգամավորը նկատեց՝ ՀԿ-ի գործողությունները լինելու է շատ հետևողական մեր իրավունքների վերականգնման պայքարում:
