Երևանի փոխքաղաքապետ Սուրեն Գրիգորյանն Ավագանու այսօրվա նիստում անդրադարձավ մեկ անձից կատարվող գնումներին, արձագանքելով ավագանու ընդդիմադիր անդամներից մեկի դիտարկամնը, թե մեկ անձից գնումների արատավոր պրակտիկան կվերացնեն, թե չէ:
Գրիգորյանը նկատեց՝ եթե իրապես ձեր նպատակը գնումների արդյունավետությունը գնահատելն է, ձևի վրա այդքան ֆիքսվելը այդքան էլ արդյունավետ չի:
«Կան դեպքեր, որ կոնկրետ անձինք պետք է բացատրություն տան, թե ինչու մեկ անձով գնումներ չեն կատարել համայնքի խնդիրը լուծելու համար»,- ասաց նա հավելելով. «Նախկինում ունեցել ենք դեպքեր, որ քննադատությունից վախենալու պատճառով մեկ անձից ավտոբուսի պահեստամասեր ձեռք չեն բերվել, չնայած՝ օրենսդրությունը դրա հնարավորությունը տալիս է: Իմ հորդորն է ձեզ, էդ մեկ անձից գնումները, որպես երևույթ, այդքան մի դեմոնիզացրեք, և հարցին եկեք ավելի բովանդակային նայեք: Երևանցուն առաջին հերթին ձևը չի հետաքրքրում, բովանդակությունն է հետաքրքրում»:
