Ինչ ոլորտների են ուղղվելու պետական բյուջեի ծախսերը․ ներկայացնում է ֆինանսների նախարարությունը

Դիտում ՝ 30 005

ՀՀ ֆինանսների նախարարությունը ներկայացրել է, թե 2024 թվականի պետական բյուջեի ընդհանուր ծախսերը ինչպես են բախշվելու։

Այդ ծախսերի մեջ կգերակայեն սոցիալական բնույթի ծախսերը (սոցիալական պաշտպանություն, կրթություն, առողջապահություն): Այս ծախսերին նախատեսվում է ուղղել 1 տրիլիոն 255 միլիարդ դրամ` 25 %-ով ավելի, քան սպասվում է 2023 թվականին։

2024 թվականին Կառավարությունը նախատեսում է պաշտպանության ոլորտին հատկացնել 557 միլիարդ դրամ, ինչը կազմում է պետական բյուջեի ընդհանուր ծախսերի 17 %-ը և 5 %-ով գերազանցում է 2023 թվականին սպասվող ծախսերի մեծությունը:

«Ծախսերի հաջորդ խոշոր խումբը Կառավարության պարտքի սպասարկումն է, որին նախատեսվում է ուղղել 323 միլիարդ դրամ կամ ընդհանուր ծախսերի 10 %-ը»,- ասված է հաղորդագրության մեջ։