Օղակաձև այգու 4-րդ հատվածը կվերակառուցվի։
Այս մասին քաղաքապետարանի գործակարգավարական նիստի ընթացքում զեկուցվեց քաղաքապետ Տիգրան Ավինյանին։
Նրա խոսքով՝ այդ տարածքը կառուցապատված է խառը, և նախագծով առաջարկվում է այգին վերականգնել.
«Ինքս այդտեղ երկար տարիներ թենիս եմ պարապել․ ինձ համար այն ժամանակ միգուցե տարօրինակ չէր, բայց հիմա երբ նայում ենք, օղակաձև այգու տրամաբանությամբ թենիսի կորտեր չպետք է լինեին, ու այգին պետք է լիներ այգի։ Հետևաբար, հատվածներում, որտեղ հանրային կանաչ տարածքներ են, պետք է վերադարձնենք քաղաքին, երևանցիներին»,- ասաց նա։
Վերջինս հանձնարարեց ավելի արագացնել Կառավարության որոշման նախագծի պատրաստումը։
