Մի շարք պետությունների առաջնորդներ և դիվանագետներ արձագանքել են ընդդիմադիր գործիչ Ալեքսեյ Նավալնիի մահվան լուրին։
Դրանց առաջին արձագանքել է ՆԱՏՕ-ի գլխավոր քարտուղար Յենս Ստոլտենբերգը՝ հայտարարելով, որ Նավալնիի մահվան շուրջ բոլոր փաստերը պետք է պարզվեն, իսկ Ռուսաստանը պետք է լուրջ հարցերի պատասխանի:
Գերմանիայի կանցլեր Օլաֆ Շոլցը հայտարարել է, որ «Նավալնին մահով վճարեց Ռուսաստան վերադառնալու իր խիզախության համար»։
Եվրոպական խորհրդի նախագահ Շառլ Միշելը Նավալնու մահվան համր Ռուսաստանի իշխանություններին է պատասխանատու համարել:
Ուկրաինայի նախագահ Վլադիմիր Զելենսկին ուղիղ մեղադրանք է հնչեցրել Ռուսաստանի նախագահ Վլադիմիր Պուտինի հասցեին՝ ակնհայտ համարելով, որ նրան սպանել են։
Մեծ Բրիտանիայի վարչապետ Ռիշի Սունակը լուրը համարել է սարսափելի նորություն և հայտարարել, թե Նավալնին իր ողջ կյանքի ընթացքում ցուցադրել է անհավանական խիզախություն՝ լինելով ռուսական ժողովրդավարության ամենակարկառուն պաշտպանը։
Ֆրանսիայի Հանրապետության Եվրոպայի և արտաքին գործերի նախարար Ստեֆան Սեժուրնեն ընդգծել է, որ Ալեքսեյ Նավալնին իր կյանքով վճարեց ճնշման համակարգին դիմադրելու համար։
Սպիտակ տունը դեռ չի արձագանքել:
Ռուսաստանի իշխանությունների կողմից առաջինն արձագանքել է ՌԴ նախագահի մամուլի քարտուղար Դմիտրի Պեսկովը, նաև Զախորովան է հայտարարություն արել:
Ավելի վաղ հայտնել էինք, որ Յամալո-Նենեց ինքնավար օկրուգի թիվ 3 ուղղիչ գաղութում մահացել է քաղաքական գործիչ Ալեքսեյ Նավալնին:
