«Վերջին ամիսներին նոր չափորոշիչները մեզ համար դարձան ուղղակի անբաժանելի մասնիկ, որովհետև դրանց շնորհիվ մեր դասերն անցնում են ավելի ինտերակտիվ, դասերի մեջ գերակշռում են ՏՀՏ ոլորտը, շատ ենք կատարում խմբային, նախագծային, հետազոտական աշխատանքներ: Մեզ մոտ տրամաբանական մտածողությունն ավելի զարգանում է: Ինքներս մեզ վրա զգում ենք փոփոխությունը: Ամեն ինչ, որ առաջ անում էինք ուղղակի անելու համար, հիմա անում ենք հաճույքով»:
Եթե 2015 թվականի հետազոտությունը ցույց է տվել, որ դպրոցներում 12 տարվա ուսումնառությունը համարժեք է 8 տարվա, այսինքն՝ սովորողը 12 տարում դպրոցն ավարտում է այնքան գիտելիքով, որքան կարելի էր ստանալ 8 տարում, ապա հանրակրթության պետական նոր չափորոշիչների արդյունավետությունը գնահատելուց հետո պարզվել է, որ տարբերությունը կրճատվել է 6 ամսով:
Հետազոտությունն արվել է Տավուշի մարզում չափորոշիչները 2 տարի փորձարկելուց հետո:
Հետազոտությունն իրականացրել են միջազգային անկախ փորձագետները՝ Համաշխարհային Բանկի նախաձեռնությամբ:
Դիտեք տեսանյութը
