ՌԴ Ամուրի շրջանում ուղղաթիռ է կործանվել, կա առնվազն 4 զոհ:
Այս մասին հայտնել են ՌԴ արտակարգ ծառայությունները:
«Ամուրի շրջանի Տինդինսկի թաղամասում վթարի է ենթարկվել հինգ նստատեղ ունեցող Robinson R-66 ուղղաթիռ, նախնական տվյալներով՝ բոլորը մահացել են»,- ասվում է հայտարարության մեջ:
Նշվում է, որ ուղղաթիռը պատկանել է տեղի անտառահատման ընկերությանը։
«Օդանավում անտառահատման ընկերության աշխատակիցներ են եղել, նրանք դուրս են եկել արտադրամասից»,- հավելել են Արտակարգ իրավիճակների ծառայությունից։
ՌԴ քննչական կոմիտեի Արևելյան միջտարածաշրջանային տրանսպորտի քննչական վարչությունը հաստատել է ուղղաթիռի կործանման մասին տեղեկությունը։
«Նախնական տվյալներով՝ հունիսի 20-ի առավոտյան Robinson R-66 օդանավը օդաչուի հսկողության ներքո և երեք ուղևորներով թռել է փայտամշակման գործարանի տարածքից դեպի Ջելտուլա գետի մոտ գտնվող կետ՝ Ամուրի շրջանի Տինդինսկի շրջանը, սակայն, այն չի ժամանել նշանակված վայր»,- ասվում է հաղորդագրության մեջ։
Ավելի ուշ արտակարգ ռադիոփարոսային ազդանշան է ստացվել և գրանցվել օդանավի գտնվելու վայրի ծայրահեղ կոորդինատային կետը։
Որոնողափրկարարական աշխատանքների ընթացքում պարզվել է ուղղաթիռի գտնվելու վայրը։ Զոհերի թվի մասին տեղեկությունները ճշտվում են, հայտնել են Քննչական կոմիտեից։
Քրեական գործ է հարուցվել:
