ԵԱՏՄ գագաթնաժողովից հետո Ռուսաստանի նախագահը մեկնաբանել է ռուս-ուկրաինական հակամարտության ընթացքը:
Վլադիմիր Պուտինի գնահատմամբ՝ պատերազմը մոտենում է ավարտին, քանի որ առավելությունը ռուսական կողմում է, ռուսական զորքերը շարունակում են առաջխաղացումը ռազմաճակատի ամբողջ երկայնքով:
Կրեմլի ղեկավարը, սակայն, հստակ ժամկետներ չի նշել:
Պուտինը հայտարարել է՝ հակամարտության պատճառն այն է, որ Կիևը փորձում էր մերձենալ Արևմուտքի հետ, որը, ըստ Պուտինի, Ուկրաինան օգտագործելու է Ռուսաստանի դեմ։
Պուտինը նշել է՝ Ռուսաստանը պատրաստ է բանակցությունների և դեմ չէ, որ ԱՄՆ-ը միջնորդի դեր խաղա, սակայն վերջնական կարգավորման հասնելիս պետք է հաշվի առնվեն Ռուսաստանի պահանջները։
Խոսելով խաղաղության գործընթացի մասին՝ նա վերհիշել է 2022 թվականի Ստամբուլի բանակցությունները և պնդել, որ այդ ժամանակ կողմերն իսկապես մոտ էին համաձայնության։
