Վազգեն (Բագրատ) Գալստանյանը Ազգային ժողովում «Հայաստան» խմբակցության կողմից «Հայաստանի Անկախության մասին հռչակագրի անժամանցելի արդիականության մասին» ԱԺ հայտարարության նախագծի թեմայով հրավիրված խորհրդարանական լսումների ժամանակ իր խոսքում հայտարարել է, թե իրեն հուզում է «Քաղաքացիական պայմանագիր» խմբակցությանը ձայն տված քաղաքացիների ճակատագիրը։
«Կարող էի ասել, որ ինձ չի հուզում ՔՊ անդամների ճակատագիրը՝ ասելով՝ թող դրանով մտահոգվեն ՀՀ-ում հավատարմագրված դեսպանատներն ու քաղաքական ապաստան տվող կառույցները, բայց ինձ հուզում է ՔՊ ընտրած 680 հազար հայ մարդու ճակատին ՔՊ-ի կողմից դաջվող երկիրը հանձնողների պիտակավորումն ու մեղքը»,- ասել է նա:
