SHAMSHYAN.com-ի տեղեկություններով՝ հոկտեմբերի 12-ին արտակարգ դեպք է տեղի ունեցել Կոտայքի մարզում։ Ժամը 09։20-ի սահմաններում ՀՀ ներքին գործերի նախարարության ոստիկանության Նաիրիի բաժին են զանգահարել «Եղվարդի» բժշկական կենտրոնից և հայտնել, որ Եղվարդ քաղաքի «Գնացքի գծերի մոտ նեֆտո բազա» աշխատանքի վայրում, դիզվառելիքով այրվելու հետևանքով «մարմնի տարբեր մասերի 1-ին, 2-րդ աստիճանի այրվածք» ախտորոշմամբ իրենց մոտ գործնկերները բուժօգնության են տեղափոխել Կոտայքի մարզի բնակիչ 34-ամյա Հովհաննես Ե․-ին:
Ինչպես հայտնում է ֆոտոլրագրող Գագիկ Շամշյանը, ոստիկանության Նաիրիի բաժնի քրեական հետախուզության բաժանմունքի ծառայողները պարզել են, որ Հովհաննես Ե․-ն նշված մարմնական վնասվածքները ստացել է նույն օրը՝ ժամը 08։00-ի սահմաններում, Կոտայքի մարզի Եղվարդ համյանքի Արտադրական հանգույց հասցեում` յուղի տարան էլեկտրական սղոցով կտրելու ժամանակ առաջացած պայթյունի հետևանքով:
Դեպքի փաստով ոստիկանության Նաիրիի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Կոտայքի մարզային քննչական վարչության Նաիրիի քննչական բաժին։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2024/10/17/1271401?fbclid=IwY2xjawF92-dleHRuA2FlbQIxMQABHfHGq4U0f9K3CCgTD78BGJ-2GhYdlormVR6VOlc3c9sub6KDArobDVwpGQ_aem__VaJ71U4Rs4kwNBHjnIWZg
