Ադրբեջանական կողմը դեռևս չի արձագանքել Հայաստանի և Ադրբեջանի միջև խաղաղության պայմանագրի վերաբերյալ հայկական կողմի նոր առաջարկներին։
Այս մասին այսօր ԱԺ-ում լրագրողների հետ զրույցում հայտարարեց ՀՀ փոխվարչապետ Մհեր Գրիգորյանը։
«Իմ ունեցած տեղեկություններով՝ դեռևս արձագանք չկա վերջի առաջարկի վերաբերյալ»,- ասաց նա:
Հայկական կողմը ադրբեջանական կողմին է փոխանցել Հայաստանի և Ադրբեջանի միջև խաղաղության պայմանագրի վերաբերյալ իր նոր առաջարկները, որի մասին օգոստոսի 25-ին հայտնել էր ՀՀ վարչապետ Նիկոլ Փաշինյանը։
