Գյումրու Վարդան Աճեմյանի անվան դրամատիկական թատրոնը նոր տնօրեն ունի:
«Հայկական ժամանակ»-ի հետ զրույցում այս մասին տեղեկացրեց թատրոնի արդեն նախկին տնօրեն Լյուդվիգ Հարությունյանը:
Այս պաշտոնի համար կայացած մրցույթում հաղթել է դրամատիկականի մենեջմենտի գծով փոխտնօրեն Արամ Կարապետյանը, ով վերջին 6 ամիսների հանդիսացել է տնօրենի ժպ:
«ԿԳՄՍ նախարարի հրամանով նա հոկտեմբերի 29-ից արդեն նշանակվել է Գյումրու դրամատիկական թատրոնի տնօրեն: Նա արդեն 10 տարուց ավել թատրոնում է: Թատրոնը ջերմ է ընդունել այս նշանակումը, քանի որ Կարապետյանը օտար մարդ չէ, քաջատեղյակ է խնդիրներից, և վերջին տարիներին զբաղվել է վարչական աշխատանքով:
Թատրոնի համար շատ կարոևոր էր այս նշանակումը»,- ասաց Հարությունյանը:
Լյուդվիգ Հարությունյանը զբաղեցնում է դրամատիկականի գեղարվեստական ղեկավարի պաշտոնը:
