Իսրայելի օդուժի կործանիչները հարվածել են Ջեբել Ակրում լեռնային շրջանում գտնվող կամրջին, որը կապում է Սիրիային սահմանակից Լիբանանի հյուսիսում գտնվող Աքքար և Հերմել շրջանները։
Ինչպես հայտնում է El Nashra լրատվական պորտալը, այս հարձակումն իրականացվել է ավիահարվածի ժամանակ, որոնք ուղղված են եղել հարևան Սիրիայի սահմանային անցակետերի մոտ գտնվող բնակավայրերի վրա, որոնք ծառայում են որպես իրանամետ շիա աշխարհազորային «Հըզբոլլահի» հենակետեր։
Նշվում է, որ հարձակման հետևանքով կամուրջ է ավերվել, որն ընդհատել է տրանսպորտային կապը շրջանների միջև և խնդիր է ստեղծել հումանիտար օգնության առաքման համար Լիբանանի հյուսիս-արևելք, որը վերջին օրերին ինտենսիվ ռմբակոծությունների է ենթարկվել։
Նոյեմբերի 1-ին և 2-ին հազարավոր խաղաղ բնակիչներ Բաալբեկ քաղաքից և նրա շրջակայքից տեղափոխվել են հյուսիսային Լիբանանի Դեյր ալ-Ահմար շրջան: Փախստականներին անհրաժեշտ է պարենային օգնություն, տաք հագուստ և դեղորայք։
Ավելի վաղ Արտակարգ իրավիճակներին արագ արձագանքման կենտրոնի համակարգող, շրջակա միջավայրի նախարարի պաշտոնակատար Նասեր Յասինը իր ամենօրյա զեկույցում մեջբերել էր տեղեկություն, ըստ որի իսրայելական ինքնաթիռները շաբաթ օրը 109 հարձակում են իրականացրել Լիբանանի տարածքում, որոնցից 26-ը՝ Բաալբեկում և նրա տարածքում։ Պայթյունի հետևանքով զոհվել է 53 մարդ, վիրավորվել՝ 83-ը:
