Տոմս չունեցող ուղևորուհին շրջանցել է անվտանգության ստուգումները, նախքան նրան հայտնաբերել են Նյու Յորք-Փարիզ չվերթի ժամանակ Գոհաբանության օրվա տոնական աժիոտաժի ընթացում, հայտնում է NBC News-ը։
Կինը երեքշաբթի Delta-ի 264 չվերթով Նյու Յորքի Ջոն Քենեդու անվան միջազգային օդանավակայանից թռչում էր Փարիզի Շառլ դը Գոլ օդանավակայան:
Դեպքի մասին տեղյակ աղբյուրը NBC News-ին հայտնել է, որ իրավապահները նրան հեռացրել են ինքնաթիռից Փարիզում վայրէջք կատարելուց հետո։
Կինը, ով օդանավ է բարձրացել առանց տոմսի, շրջանցել է ինքնության և նստեցման կարգավիճակի երկու ստուգում և նստել օդանավ, ասվում է Տրանսպորտի անվտանգության վարչության ներկայացուցչի հայտարարության մեջ:
Նա ամբողջությամբ զննվել է նախքան նստելը, ինչը նշանակում է, որ նա չի ունեցել որևէ արգելված իր և անվտանգության տեսանկյունից վտանգ չի ներկայացրել, ասել է խոսնակը:
