Թուրքիան հանդես է գալիս Ուկրաինայում անհապաղ հրադադարի օգտին։
Այս մասին հայտարարել է Թուրքիայի արտգործնախարար Հաքան Ֆիդանը՝ Անկարայում իր բելգիացի գործընկեր Բեռնար Քվենտինի հետ բանակցություններից հետո կայացած մամուլի ասուլիսի ժամանակ:
«Մենք քննարկել ենք տարածաշրջանային թեմաներ, ներառյալ Ուկրաինան: Մենք, իհարկե, ցանկանում ենք անհապաղ զինադադար և խաղաղության հաստատում Ուկրաինայում:
Այս պատերազմը, որը տեղի է ունենում 21-րդ դարում Եվրոպայի կենտրոնում, պետք է հնարավորինս շուտ ավարտվի, և այս պատերազմի, տնտեսական և այլ ճգնաժամերի հետևանքով առաջացած միգրացիային պետք է վերջ դրվի բանակցությունների ընթացքում»,- ասել է Ֆիդանը։
Խոսելով Սիրիայում տիրող իրավիճակի մասին՝ Թուրքիայի ԱԳՆ ղեկավարը նշել է, որ հուսով է, որ սիրիացի ժողովուրդը որքան հնարավոր է շուտ կկառուցի իր ապագան։
