Տրանսգենդեր կինը Քանզաս—սիթիից հեռացրել է վեց կողերը հանուն ավելի բարակ իրանի, եւ հիմա նախատեսում է դրանք վերածել թագի։
Էմիլի Ջեյմսը վիրահատության վրա ծախսել է հսկայական՝ 17 հազար դոլար եւ այրվում է այս արտասովոր միջամտությունը ամենաարտասովոր ձեւով հավերժացնելու ցանկությունից։
«Ես ցանկանում եմ դրանցից թագ պատրաստել»,- ասել է 27-ամյա Ջեյմսը Caters News-ին: «Նրանք թույլ տվեցին ինձ պահել կողոսկրերս, որոնք սկզբում պատրաստվում էի նվիրել իմ լավագույն ընկերոջը»:
Սոցցանցերում նա պատմել է միջամտությունների, ինչպես նաեւ վերականգնման ընթացքի մասին՝ արժանանալով հեռուստադիտողների հակասական արձագանքներին։
«Երեք օր հետո յուրաքանչյուր կողմից երեքական կող կհեռացնեն»,- ասել է նա մի տեսանյութում միջամտությունից առաջ։ «Ես պատրաստվում եմ Էմիլիի ոճով բարբեքյու սարքել»,- կատակել է նա:
Վերականգնման ընթացքում նա համացանցում նշել է, որ կոսմետիկ նպատակներով հեռացրել է կողոսկրերը եւ պահել է հեռացված կողերը:
«Ես նախատեսում եմ դրանցից թագ պատրաստել»,- նշել է նա:
«Ինձ ասել են, որ դրանցից շան խաղալիք կամ արգանակ կպատրաստեն»,- նշել է Ջեյմսը: «Անձամբ ես կարծում եմ, որ իմ միսը համեղ կլինի»:
Չնայած որոշ մարդկանց առաջարկություններին՝ Ջեյմսն ասել է, որ ոչ մի ձեւով չի ուտի իր կողերը:
«Մարդու միս ուտելը կարող է բազմաթիվ հիվանդություններ առաջացնել, որոնք մահացու են»,- ասել է նա: «Ուստի ես չեմ մասնակցի կանիբալիզմին, շնորհակալություն»:
Շատերը կատակել եւ մեկնաբանել են Ջեյմսի տարօրինակ որոշումը, սակայն նա անտեսում է ատելության խոսքը։
