Նեյմարը գերազանցել է Պելեի ռեկորդը Բրազիլիայի հավաքականում պաշտոնական խաղերում խփած գոլերի քանակով, հաղորդում է conmebol.com-ը։
Աշխարհի առաջնության ընտրական մրցաշարի առաջին տուրում Նեյմարը երկու գոլ է խփել Բոլիվիայի թիմին եւ ազգային թիմում իր գոլերի քանակը հասցրել է 79-ի։ Պելեն 77 գոլ է խփել ազգային թիմի հետ հավաքականների դեմ պաշտոնական խաղերում։
Բրազիլիայի հավաքականը Բոլիվիայի թիմին հաղթել էր 5:1 հաշվով եւ գլխավորում է մրցաշարային աղյուսակը։
