Վրաստանի վարչապետ Իրակլի Կոբախիձեն հունվարի 17-ին աշխատանքային այցով ժամանել է Ադրբեջան։
Հեյդար Ալիևի միջազգային օդանավակայանում, որտեղ ծածանվե են երկու երկրների պետական դրոշները, Վրաստանի վարչապետի պատվին պատվո պահակախումբ է շարվել։
Օդանավակայանում Վրաստանի վարչապետին դիմավորել են փոխվարչապետ Սամիր Շարիֆովը և այլ պաշտոնյաներ։
Ավելի վաղ հայտնել էինք, որ Կոբախիձեն իր ադրբեջանցի գործընկեր Ալի Ասադովի հետ կնախագահի Վրաստանի և Ադրբեջանի միջև տնտեսական համագործակցության միջկառավարական հանձնաժողովի նիստը։ Հանդիպմանը կմասնակցեն երկու երկրների կառավարությունների անդամները։
Նախատեսված են նաև Իրակլի Կոբախիձեի հանդիպումները Ադրբեջանի պաշտոնյաների հետ։
