Ուկրաինայի և Ադրբեջանի նախագահներ Վլադիմիր Զելենսկին և Իլհամ Ալիևը հանդիպել են Դավոսում՝ Համաշխարհային տնտեսական համաժողովի շրջանակներում։
Այս մասին ասվում է Ադրբեջանի ղեկավարի կայքում տեղադրված հաղորդագրության մեջ։
Հաղորդվում է, որ հանդիպման ընթացքում քաղաքական գործիչները քննարկել են նախկին Խորհրդային Միության երկու երկրների միջև կապերը տարբեր ոլորտներում։ Դրանք ներառում են համագործակցությունը էներգետիկ ոլորտում և տարածաշրջանային անվտանգության հարցեր:
Մամուլի հաղորդագրության մեջ նշվում է նաև այս հանդիպման անցկացման Կիևի նախաձեռնությունը։ Այլ մանրամասներ չեն հաղորդվում։
Հիշեցնենք՝ հունվարի 23-ին Դավոս է մեկնելու նաև ՀՀ վարչապետ Նիկոլ Փաշինյանը: Նրա և Ալիևի՝ հավանական առանձին հանդիպման մասին տեղեկություններ առայժմ չկան:
Ֆորումը սկսել է հունվարի 20-ից և կտևի մինչև 24-ը:
Ընդհանուր առմամբ, հրավիրված է 3,000 մասնակից ավելի քան 130 երկրից:
