Ամերիկացի միլիարդատեր Իլոն Մասկը ԱՄՆ նախագահ Դոնալդ Թրամփի հետ Օվալաձև գրասենյակում հանդիպման է եկել որդու հետ։
Ամերիկյան հեռուստատեսության կադրերն ու լուսանկարները ցույց են տալիս, որ երեխան բավականաչափ զվարճացել է Սպիտակ տանը։
Մասկի 4 տարեկան որսին՝ Էքս Էշ Էյրը (X Æ A-12)-ը սկզբում հանգիստ է եղել և փորձել ինչ-որ հետաքրքիր բան գտնել Թրամփի աշխատասենյակում և նրա գրասեղանի վրա:
Սակայն մի քանի րոպե անց ձեռնարկատիրոջ որդին աշխուժացել է և լուսանկարիչներին զվարճալի դեմքեր ցույց տվել։ Այդ պահին Մասկը կանգնել է Թրամփի սեղանի կողքին՝ կարծես ոչինչ չի եղել և պատասխանել է լրագրողներին։
«Մենք պետք է ունենանք ժողովրդի շահերին ծառայող համակարգ: Սա է ժողովրդավարության ամբողջ իմաստը: Բայց մենք ունենք չընտրված, չորրորդ, հակասահմանադրական իշխանության ճյուղ՝ բյուրոկրատիան, որն այժմ շատ առումներով ավելի շատ իշխանություն ունի, քան ցանկացած ընտրված ներկայացուցիչ»,- ասել է Մասկը:
Նա նաև ասել է, որ մտադիր է կառավարության աշխատանքում մտցնել «ողջախոհության վերահսկողություն»։ Միևնույն ժամանակ Մասկը խոստացել է ոչ թե «դրկոնյան միջոցների» դիմել, այլ պարզապես առաջնորդվել տրամաբանությամբ։ Նրա խոսքով՝ խոսքը «կառավարության լայնածավալ բարեփոխման» մասին է։
