Ուկրաինայի եվրոպացի դաշնակիցները մտադիր են Վաշինգտոնին առաջարկել տեղակայել եվրոպական երկրներից 30 հազարից քիչ զինվորական։ Ինչպես հայտնում է բրիտանական The Daily Telegraph-ը՝ վկայակոչելով այս ծրագրին ծանոթ արեւմտյան պաշտոնյաներին, դա համաձայնեցվել է Փարիզում եվրոպացի առաջնորդների ոչ պաշտոնական հանդիպման ժամանակ։
Հրատարակությունը հայտնում է, որ ԱՄՆ նախագահ Դոնալդ Թրամփին մշակված առաջարկները հաջորդ շաբաթ Վաշինգտոնում կներկայացնի Մեծ Բրիտանիայի վարչապետ Քիր Սթարմերը։
Միաժամանակ, նա պնդելու է նաև, որ Ռումինիայում և Լեհաստանում տեղակայվեն ամերիկյան կործանիչներ և հրթիռային համակարգեր, որոնք ռուսական զինադադարի խախտման դեպքում կլինեն բարձր պատրաստվածության։
Ավելի վաղ՝ Մեծ Բրիտանիայի վարչապետը հայտարարել էր, որ Լոնդոնը մտադիր է միջնորդի դեր ստանձնել Բրյուսելի եւ ամերիկյան նոր վարչակազմի միջեւ։
