ՀՀ ներքին գործերի նախարար Արփինե Սարգսյանը հայտարարել է, որ Հայաստանում ավելի քան 400 հազար վարորդ տուգանքները վճարելիս օգտվել է բոնուսներից։ «2024 թվականի մայիսի 1-ից Հայաստանում ուժի մեջ են մտել տուգանքների վճարման զեղչեր նախատեսող դրույթներ։ Այսպիսով, այն վարորդները, ովքեր կհամաձայնեն էլեկտրոնային եղանակով ստանալ տուգանքների մասին ծանուցումները, կստանան 20% զեղչ, իսկ 15 օրվա ընթացքում վճարելու դեպքում՝ հավելյալ 30%: Մոտ 90 հազար մարդ օգտվել է առաջին տեսակի բոնուսից, ևս 403,5 հազարը՝ երկրորդից։ Ավելին, մի շարք դեպքերում նույն վարորդները կարողացել են միաժամանակ օգտվել երկու զեղչերից»,- ԱԺ պաշտպանության և անվտանգության մշտական հանձնաժողովի նիստում 2024 թվականի պետական բյուջեի միջոցների կատարման նախագծի քննարկման ժամանակ ասել է Սարգսյանը։
Տուգանքները վճարելիս Հայաստանում ավելի քան 400 հազար վարորդ օգտվել է բոնուսներից. ՆԳՆ
