Վլադիմիր Զելենսկին ամերիկյան Time ամսագրին տված հարցազրույցում հայտարարել է , որ Ուկրաինայի բյուջեն բավարար չէ զինված ուժերի կարիքները ֆինանսավորելու համար, ուստի Կիևը հույսը դնում է եվրոպական աջակցության վրա։
«Բանակը միշտ ավելի փոքր է եղել, քան հիմա է: Եվ երբ բանակը երեք անգամ ավելի մեծ է, քան եղել է, պետք է ֆինանսավորվի: Ուկրաինայի բյուջեն չի բավարարի»,- ասել է նա:
Նրա կարծիքով՝ ուկրաինական բանակի համար միջոցներ հատկացնելու հատուկ ծրագրեր պետք է լինեն։
«Եվրոպան պետք է ֆինանսավորի նրանց: Իդեալում` Եվրոպան և Ամերիկան: Բայց ներկա պայմաններում ես ավելի շատ հույս կդնեի Եվրոպայի վրա»,- ընդգծել է Զելենսկին:
