ՌԴ Սախալինի շրջանի Օլխովկա գյուղում տեղի բնակիչը պաշտոնյայի աչքերին ցողել է պղպեղի սփրեյ և նկարահանել։ Այս մասին գրում է News.ru-ն։ Միջադեպը տեղի է ունեցել Օլխովկա գյուղում, որտեղ շրջանի ղեկավար Ֆյոդոր Ֆիլինը հանդիպում է անցկացրել տեղի բնակիչների հետ։
Լյուդմիլա Անիկեևան դժգոհ էր, որ կոշիկի հետ կապված սկանդալից հետո իրեն լավ բնակարան են խոստացել, բայց ոչինչ էլ չի արվել։
Կինը՝ «որտե՞ղ է իմ բնակարանը» ասելով, պղպեղի սփրեյը ցողել է KUMS-ի ղեկավար Թիմուր Ռամազանովի աչքերին, փոխքաղաքապետը նույնպես վիրավորվել է։ Տղամարդիկ աչքերի այրվածքներով հոսպիտալացվել են, ևս մի քանի մարդ թեթև թունավորում է ստացել։
Նշվում է Անիկեևան դեպքի վայրից դիմել է փախուստի, նրան փնտրում են
Ավելի վաղ նույն քաղաքացուհին Սախալինի շրջանի նահանգապետ Վալերի Լիմարենկոյի հետ հանդիպման ժամանակ նրա վրա կոշիկ էր նետել։
