Վրաստանի ՆԳՆ աշխատակիցները ձերբակալել են թմրանյութերի ապօրինի շրջանառության մեջ կասկածվող Ադրբեջանի քաղաքացու։
Այս մասին տեղեկություն է տարածել Վրաստանի Ներքին գործերի նախարարությունը։
Հաղորդվում է, որ ՆԳՆ-ի կողմից ձեռնարկված օպերատիվ-հետախուզական միջոցառումների արդյունքում թմրամիջոցների մեծ խմբաքանակ ձեռք բերելու և պահելու կասկածանքով ձերբակալվել է նախկինում դատապարտված Ջ.Բ.-ն (ծնված 1968 թ.) և Ադրբեջանի քաղաքացի Ա.Ն. (ծնված 1976 թ.)։
Ձերբակալվածների տներում խուզարկությունների արդյունքում հայտնաբերվել և առգրավվել են թմրանյութեր և էլեկտրոնային կշեռքներ։
Միջադեպի առնչությամբ հետաքննություն է տարվում Վրաստանի քրեական օրենսգրքի 260-րդ հոդվածով, որը նախատեսում է մինչև 20 տարվա կամ ցմահ ազատազրկում։
