Թուրքիան և Իսրայելն Ադրբեջանում տեխնիկական բանակցություններն են անցկացրել՝ Սիրիայում ունեցած կոնֆլիկտները և լարվածությունը կանխելու համար:
Այս մասին հայտնում են ադրբեջանական լրատվամիջոցները՝ նշելով, որ նախօրեին Ադրբեջանում Թուրքիայի և Իսրայելի ներկայացուցիչների տեխնիկական հանդիպման նպատակը Սիրիայում անցանկալի միջադեպերը կանխելու համար դեէսկալացիայի մեխանիզմի ստեղծումն է եղել։
Ապրիլի սկզբին Իսրայելի ռազմաօդային ուժերը հարվածել սիրիական Համայի և Ալ-Թիյասի ավիաբազաներին, որտեղ Թուրքիան ծրագրում էր տեղակայել իր ուժերը։ Հարձակումն իրականացվել է հենց այն պահին, երբ թուրքական հրամանատարությունը պատրաստվում էր իր մասնագետներին ուղարկել հենակետեր՝ օբյեկտների տեխնիկական վիճակը գնահատելու համար։
Անկարան մտավախություն ունի, որ թուրքական զորախմբին պատահական հարվածը կարող է հանգեցնել լուրջ էսկալացիայի։
Իլհամ Ալիևը, անդրադառնալով իր տարածքում նախաձեռնված հանդիպմանը, նշել է, որ իր երկրի համար Թուրքիայի և Իսրայելի միջև լարվածությունը շատ տագնապալի է և անհանգստության տեղիք տվող:
«Թուրքիայի և Իսրայելի միջև առաջին հաջող հաշտեցումը որոշ չափով նպաստեց Ադրբեջանին: Մենք ակտիվ դեր խաղացինք՝ փորձելով մերձեցնել երկրներին»,-ասել է նա:
Ալիևը նաև ընդգծել է, որ Ադրբեջանը երկու երկրի համար էլ մտերիմ բարեկամ է:
