ՊԱՇՏՈՆԱԿԱՆ ԿՈՉ — ՎԵՐԱԴԱՐՁՎԱԾ ԳՈՒՅՔԸ՝ ԺՈՂՈՎՐԴԻՆ
«ԴԵՄ ԵՄ» Քաղաքացիական Շարժման նախագահի՝ Վանիկ Նիկոյանի կոչը
Այսօր, երբ պետությունը բռնագանձում է հսկայական գույք նախկին բարձրաստիճան պաշտոնյաներից, այդ թվում՝ Ռոբերտ Քոչարյանից, մենք՝ որպես ժողովուրդ, պարտավոր ենք պահանջել արդար և նպատակային վերաբաշխում։
ՄԵՆՔ ՀԱՅՏԱՐԱՐՈՒՄ ԵՆՔ՝ ՎԵՐԱԴԱՐՁՎԱԾ ԳՈՒՅՔԸ ԺՈՂՈՎՐԴԻՆՆ Է։Այդ գույքը և գումարները վերադարձվել են պետությանը ոչ թե՝ իշխանության հաճույքի, այլ՝ ժողովրդի իրավունքների ոտնահարման հետևանքով։
ՄԵՐ ՊԱՀԱՆՋՆ Է՝Օրվա իշխանությունները պետք է մերժեն սեփական վարկով ընկճված ժողովրդին հալածելու քաղաքականությունը և վերականգնեն արդարությունը՝ վերադարձված գումարներով փակելով խոցելի ընտանիքների անհուսալի վարկերը, կանխելով հարկադիր բռնագանձումները և բնակարանների վտարումները։
ՈՉ ՄԻ ՀԱՅ ԸՆՏԱՆԻՔ ՉՊԵՏՔ Է ՎՏԱՐՎԻ ԻՐ ՏԱՆԻՑ։Ոչ մի երեխա չպետք է մնա առանց տանիքի՝ բանկային համակարգի որոշմամբ,
ոչ մի կին չպետք է բաժանվի ամուսնուց,
ոչ մի հայ ընտանիք չպետք է քանդվի խաղաղ պայմաններում՝ բանկի կամ հարկադիրի ճնշման ներքո։
ՎԵՐԱԴԱՐՁՎԱԾ ԳՈՒՅՔԸ պետք է ծառայեցվի միայն և միայն ժողովրդին։ Ոչ մեկի անձնական ֆոնդը չէ, ոչ էլ կառավարության «հաղթանակի գանձը»։Սա հատուցում է ժողովրդի նկատմամբ գործած պետական հանցանքի համար։
«ԴԵՄ ԵՄ» քաղաքացիական շարժման անունից պահանջում ենք՝
Ստեղծել հատուկ պետական հիմնադրամ, որը կօգտագործի վերադարձված միջոցները սոցիալական արդարության վերականգնման նպատակով։ Դադարեցնել հարկադիր բռնագանձումները այն քաղաքացիների նկատմամբ, ովքեր փաստացի անկարող են վճարել ոչ թե խարդախության, այլ սոցիալ-տնտեսական ծանր վիճակի պատճառով։ Ներդնել հստակ և համընդհանուր համաներման ծրագիր՝ դուրս գալով ֆինանսական բռնաճնշումների ճանապարհից։Եթե ժողովուրդն է տուժել նախկինների քաղաքականությունից, ապա այդ նույն ժողովրդի համար էլ պետք է ծառայի այդ ունեցվածքի վերադարձը։
Սա մեր նոր պայքարի ճարտարապետությունն է։ Ժողովրդի ձայնը պետք է դառնա որոշում։ Եթե կառավարությունը լռում է, ժողովուրդը պետք է բարձրաձայնի։Այսօր լռությունը դավաճանություն է։ Այսօր պայքարը՝ գոյության միջոց։
Հ․Գ․ Չկա պառլամենտական ըդիմություն, որ այս խնդիրը բերի օրակարգ․․․
«ԴԵՄ ԵՄ» Քաղաքացիական Շարժման նախագահ
Վանիկ Նիկոյան
