Թուրքիայի նախագահ Ռեջեփ Թայիփ Էրդողանի լիազորությունները ժամանակավորապես փոխանցվել են փոխնախագահ Ջևդեթ Յըլմազին։
Այս մասին տեղեկացնում են թուրքական լրատվամիջոցները՝ հղում անելով Էրդողանի ստորագրած համապատասխան հրամանագրին։
Հաղորդվում է, որ Էրդողանը մեկնում է Ալբանիա, ուստի մինչև նրա վերադարձը նրա պարտականությունները կկատարի Ջևդեթ Յըլմազը։ Ալբանիայում Թուրքիայի նախագահը կմասնակցի Եվրոպական քաղաքական համայնքի 6-րդ հերթական գագաթնաժողովին:
Նշենք, որ Ալբանիայում է նաև Նիկոլ Փաշինյանը։
Եվրոպական քաղաքական համայնքի գագաթնաժողովը ստեղծել է Եվրոպական խորհուրդը 2022-ին՝ ռուս-ուկրաինական պատերազմի մեկնարկից հետո։ Այդ գագաթնաժողովի շրջանակներում 2022-ի հոկտեմբերի 6-ին Նիկոլ Փաշինյանն Արցախը ճանաչեց Ադրբեջանի կազմում, ինչից հետո էլ տեղի ունեցավ Արցախի շրջափակումը, այնուհետև՝ բռնազավթումն ու հայաթափումը։
© ORAGIR.NEWS https://oragir.news/hy/material/2025/05/16/156318?fbclid=IwY2xjawKT3MdleHRuA2FlbQIxMQBicmlkETFOcnI0Rm9xR0VkdWZCZ1ZhAR5E5CFPe42t7o2lGGxKxkxIF_Zjs6N-NkHLHLVaj2AsLTW79-wDGDqzjtfElA_aem_jBu_00ckmEtc7OzDiSF_ZQ
