Օգոստոսի 13-ի երեկոյան Bitcoin կրիպտոարժույթը սահմանեց նոր պատմական ռեկորդ՝ առաջին անգամ գերազանցելով 124,000 դոլարի սահմանը։ Այս մասին հինգշաբթի՝ օգոստոսի 14-ին, հայտնել է Bloomberg-ը։
Բիթքոյնի գինը Նյու Յորքում ուրբաթ երեկոյան բարձրացել է մինչև 123,500 դոլար՝ գերազանցելով մեկ ամսից էլ պակաս առաջ գրանցված 123,205 դոլարի ռեկորդը։
Այսօր առավոտյան Սինգապուրում կրիպտոարժույթն արդեն բարձրացել էր մինչև մոտ 124,000 դոլար։ Ռեկորդային թռիչքը տեղի է ունեցել ԱՄՆ ֆոնդային շուկայում նոր բարձրակետերի ֆոնին, որտեղ S&P 500 ինդեքսը նույնպես ռեկորդ է սահմանել։
Սակայն, գագաթնակետից հետո, Bitcoin-ի գինը փոքր-ինչ անկում ապրեց և հինգշաբթի առավոտյան կազմեց մոտ 123,000 դոլար մեկ միավորի համար։
Մասնագետները այս աճը բացատրում են նրանով, որ վերջին ամիսներին Bitcoin-ը կայուն ժողովրդականություն է վայելում խոշոր ներդրողների շրջանում: Սա մասամբ պայմանավորված է ԱՄՆ քաղաքականությամբ, որը ստեղծում է բարենպաստ կարգավորիչ միջավայր թվային արժույթների համար: Խոշոր ընկերությունները ակտիվորեն գնում են կրիպտոարժույթ: Նմանատիպ միտում է նկատվում նաև այլ թվային ակտիվների, ինչպիսին է Ethereum-ը:
