Արիզոնա նահանգի Ֆինիքս քաղաքի ոստիկանությունը ՌԻԱ Նովոստիին հաստատել է 19-ամյա երիտասարդի ձերբակալությունը, որը փորձել է ոչնչացնել պահպանողական ակտիվիստ Չարլի Քըրքի հուշարձանը։
«Մի տղամարդ ձերբակալվել է մասնավոր սեփականություն ներխուժելու և հանրային հուշարձանը ոչնչացնելու համար։ Տղամարդը, որը հետագայում նույնականացվել է որպես 19-ամյա Ռայդեր Քորալ, ձերբակալվել է դեպքի վայր ժամանած ոստիկանության աշխատակիցների կողմից»,-ասել է ոստիկանության խոսնակ սերժանտ Ֆիլ Կրինսկին։
Ոստիկանությունը հայտնել է, որ Քորալը կենթարկվի մի շարք մեղադրանքների, այդ թվում՝ գույքին քրեական վնաս հասցնելու և հասարակական կարգը խախտելու համար: Ժամանակավոր հուշարձանը գտնվում է Քըրքի Turning Point USA ոչ առևտրային կազմակերպության գլխավոր գրասենյակի դիմաց:
ԱՄՆ նախագահ Դոնալդ Թրամփի կողմնակից Քըրքը մահացու հրազենային վնասվածք է ստացել Յուտա Վելիի համալսարանում տեղի ունեցած զանգվածային միջոցառման ժամանակ։
