ԱՄՆ նախագահ Դոնալդ Թրամփի ինքնաթիռը Մեծ Բրիտանիա ուղևորվելիս, Նյու Յորքի օդում չափազանց մոտեցել է խոշոր ուղևորատար ինքնաթիռին, հայտնել է Bloomberg գործակալությունը։
Գործակալության տվյալներով՝ վտանգավոր մոտեցումը նկատել է օդային երթևեկության դիսպետչերը, որը ուղևորատար ինքնաթիռի անձնակազմին հրամայել է փոխել ուղղությունը՝ բախումից խուսափելու համար։
ԱՄՆ նախագահը Մեծ Բրիտանիա է ժամանել սեպտեմբերի 16-ի երեկոյան, ինչը ժամանակակից պատմության մեջ աննախադեպ երկրորդ պետական այցն էր։ Նրա առաջին պետական այցը տեղի է ունեցել 2019 թվականին՝ Թրամփի առաջին ժամկետի ընթացքում։
