Աֆղանստանի Կունդուզ քաղաքից մի դեռահաս նստել է Հնդկաստանի մայրաքաղաք մեկնող ինքնաթիռ առանց տոմսի՝ թաքնվելով ուղևորատար ինքնաթիռի ներքին վայրէջքի շասսիում: Այս մասին հայտնել է The Indian Express-ը, փոխանցում է ՏԱՍՍ-ը:
Նշվում է, որ ռիչքի տևողությունը կազմել է 94 րոպե:
Ինդիրա Գանդիի անվան միջազգային օդանավակայանում նա թափառել է թռիչքային դաշտում, որտեղ նրան նկատել են և տեղափոխել անվտանգության ծառայություն:
Պարզվել է, որ նա ինքնաթիռի վայրէջքի շասսիով թռել էր «հետաքրքրասիրությունից դրդված»՝ պլանավորելով Քաբուլից Թեհրան թռիչք, սակայն սխալմամբ նստել էր Հնդկաստանի մայրաքաղաք մեկնող ինքնաթիռ։
Այն, որ երեխան ողջ է մնացել նման թռիչքից հետո, փորձագետները բացատրում են միայն հրաշքով։
Նրան Քաբուլ են ուղարկել մոտակա չվերթով։
