Սանկտ Պետերբուրգում Ռուսաստանի, Ադրբեջանի, Իրանի և Ղազախստանի ռազմածովային ուժերի հրամանատարների հանդիպման ժամանակ ստորագրվել է ռազմավարական համաձայնագիր: Փաստաթուղթն ուղղված է Կասպից ծովում անվտանգության ամրապնդմանը և համագործակցության զարգացմանը։
Համաձայնագրի գլխավոր դրույթն այն է, որ ոչ մի օտարերկրյա պետություն կամ արտատարածաշրջանային տերություն իրավունք չի ունենա միջամտել Կասպից ծովի ներքին գործերին: Կասպից ծովի անվտանգությունն ապահովվում է բացառապես մերձկասպյան պետությունների կողմից։
