Երևանում անհայտ մակնիշի ավտոմեքենան հարվածել է մի քանի ավտոմեքենաների, աորպա դեպքի վայրից «գող կատվի նման» դիմել փախուստի. օպերատիվ են գծել բժիշկները, փրկարարները ու պարեկները. ՖՈՏՈՌԵՊՈՐՏԱԺ

Այսօր՝ սեպտեմբերի 24-ին, արտակարգ դեպք է տեղի ունեցել Երևանում: Ժամը 13:50-ի սահմաններում անհայտ մակնիշի և համարանիշի ավտոմեքենայի վարորդը Շիրազի փողոցից դեպի Լենինգրադյան փողոց ընթանալիս բախվել է ճանապարհի թույլատրելի հատվածում կայանված 37-ամյա Արմեն Գրիգորյանի վարած Nissan X-Trail մակնիշի, 68-ամյա Ժորա Փաշոյանի վարած Opel Zafira և 56-ամյա Նազար Թարվերդյանի վարած Citroën մակնիշի ավտոմեքենաներին:Ինչպես դեպքի վայրից հայտնում է ֆոտոլրագրող Գագիկ Շամշյանը, վթարից հետո անհայտ մակնիշի ավտոմեքենան դեպքի վայրից դիմել է փախուստի:Բախման հետևանքով Nissan-ը դուրս է եկել երթևեկելի գոտուց և մասամբ հայտնվել մայթին:Օպերատիվորեն ժամանել են ՀՀ Ներքին գործերի նախարարության Փրկարար ծառայության Երևանի թիվ 7-րդ հրշեջ-փրկարարական ջոկատից 1 մարտական հաշվարկ:Հրշեջ-փրկարարները հոսանքազրկել են ավտոմեքենաները, փակել գազաբալոններն ու սահմանազատել տարածքը:Օպերատիվորեն ժամանել են նաև ՀՀ ՆԳՆ Ոստիկանության Պարեկային ծառայության Երևան քաղաքի գնդի 3-րդ գումարտակի 3-րդ վաշտի պարեկները՝ գումարտակի հրամանատար Գոռ Առաքելյանի, վաշտի հրամանատար Արմեն Զաքարյանի գլխավորությամբ:Տեղում ծառայություն են կատարել նույն վաշտի պարեկներ Վարդան Խոցանյանը, Արման Սիրեյանն ու Տիգրան Հարությունյանը, որպեսզի հետաքրքրասեր վարորդները մեքենաները չկայանեն և խցանում տեղի չունենա, ինչը պարեկներին հաջողվում է:Վթարի փաստով ՊԾ Երևան քաղաքի գնդում փաստաթղթեր են ձևակերպվում:Վարորդները ենթարկվել են սթափության փորձաքննության, եղել են սթափ:Օպերատիվ են գործել նաև Երևանի 1-03 շտապօգնության բժիշկների հերթապահ խումբը, ովքեր տեղում անհրաժեշտ օգնություն են ցուցաբերել վիրավորներին, սակայն վերջինները հրաժարվել են հիվանդանոց մեկնելուց:Ոստիկանությունը ձեռնարկում է անհրաժեշտ օպերատիվ միջոցառումներ վթար ստեղծած ավտոմեքենայի մակնիշը պարզելու, ավտոմեքենան և վարորդին հայտնաբերելու ուղղությամբ:Ֆոտոլրագրողը հայտնում է, որ նախնական տեղեկություններով՝ պարեկները որոշ մանրամասներ ճշտել են ավտոմեքենայի մակնիշի վերաբերյալ, սակայն այս պահին չենք հրապարակում:Լուսանկարները՝ Գագիկ ՇամշյանիԾանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2023/09/24/1246957