Սեպտեմբերի 28-ին՝ ժամը 18:22-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արենի գյուղի մոտակայքում տեղի է ունեցել ՃՏՊ:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի ավտոճանապարհի 114-րդ կմ-ին, բախվել են «VAZ» (ԼՂ քաղաքացի,վարորդ՝ Ս. Բ., ծնված 1951 թ․) և «Mercedes-Benz» (վարորդ՝ Ա. Մ., ծնված 1973 թ․) մակնիշների ավտոմեքենաները, ինչի հետևանքով «VAZ» մակնիշի ավտոմեքենան ընկել է ճամփեզրյա փոսը:
Մինչ փրկարարների կանչի վայր հասնելը՝ «VAZ» մակնիշի ավտոմեքենայի վարորդը և ուղևորներ Է. Ս.-ն (ծնված 1954 թ․) և Զ. Ա.-ն (ծնված 1950 թ.) ավտոմեքենայից դուրս են բերվել տեղի ուժերով, ստացել համապատասխան օգնություն և հոսպիտալացվել բժշկական կենտրոն:
Բժիշկները Է. Ս.-ի առողջական վիճակը գնահատել են միջին ծանրության, Զ. Ա.-ինը՝ բավարար, իսկ «VAZ» մակնիշի ավտոմեքենայի վարորդը գիտակցության չգալով մահացել է։
Փրկարարները հոսանքազրկել են ավտոմեքենաները, փակել գազի բալոնների փականները և սահմանազատել տարածքը։
Դեպքին անդրադարձել է նաև shamshyan.com-ն ու տեղեկացրել, որ մահացած վարորդն ու տուժած ուղևորները ԼՂ-ից բռնի տեղահանվածներ են:
