Արդեն երկրորդ օրն է, ինչ մեր բակում գետնի տակից խմելու, մաքուր ջուր է հոսում՝ վերածվելով իսկական լճի։ Երեկվանից ահազանգում ենք «Վեոլիա Ջուր», բայց արդյունքը՝ զրո, ոչ մի տեղաշարժ։ Այսօր արդեն անձամբ զանգահարել եմ Աբովյանի «Վեոլիա ջրի» պետին։ Գիտե՞ք պատասխանը. «Գիտեմ, տեղյակ եմ, բայց հիմա շատ ծանրաբեռնված ենք, երբ վերջացնենք՝ կմոտենանք»։ Այսինքն՝ սա նո՞րմալ է։ Մի կողմից ամբողջ երկրով մեկ խոսում ենք ջրի խնայողության ու դեֆիցիտի մասին, մյուս կողմից՝ տոննաներով մաքուր ջուր է կորչում անտարբերության պատճառով, ու ստանում ենք նման «հանգիստ» պատասխան։ Իսկ երբ ամսվա վերջում ջրի վարձը կամ կորուստները հաշվարկվեն, էլի՞ բնակիչներն են վճարելու ձեր «ծանրաբեռնվածության» ու ուշացած արձագանքի համար։ Խնդրում եմ պատկան մարմիններին և տեղական ինքնակառավարմանը՝ վերջապես քայլեր ձեռնարկել և վերջ տալ այս անպատասխանատվությանը։
Տեսանյութ․արդեն երկրորդ օրն է, ինչ մեր բակում գետնի տակից խմելու, մաքուր ջուր է հոսում՝ վերածվելով իսկական լճի
