Ինչպե՞ս են քաղաքացիները գնահատում ոստիկանության աշխատանքը․ հրապարակվել են նոր ցուցանիշներ

Միջազգային հանրապետական ինստիտուտի 2026 թվականի մայիսի հետազոտության տվյալներով՝ բարձրացել է հանրության վստահությունը ոստիկանության նկատմամբ։

Ասուլիսի ընթացքում ՆԳ նախարարի տեղակալի ժամանակավոր պաշտոնակատար Արմեն Մկրտչյանը հայտնել է, որ հարցման մասնակիցների 68 տոկոսը լիովին կամ հիմնականում գոհունակություն է հայտնել ՆԳՆ ոստիկանության աշխատանքից։

Նա նշել է. «ԵԱՀԿ գործընկերների կողմից այս տարի նույնպես կատարվել է հանրային հարցում, և, ի թիվս այլ հարցերի, հարցմանը պատասխանող քաղաքացիների 74,6 տոկոսը վստահում է կամ առնվազն չեզոք դիրք ունի ոստիկանության գործունեության նկատմամբ»։

Բացի այդ, Արմեն Մկրտչյանը փոխանցել է, որ Ներքին գործերի նախարարությունն առաջին անգամ ներառվել է Հայաստանի 50 լավագույն գործատուների ցանկում։