Առողջապահության համաշխարհային կազմակերպությունը (ԱՀԿ) հայտնել է, որ կառույցը ակտիվացնում է իր արտակարգ իրավիճակների համակարգերը ու փորձագետներ կուղարկի Հայաստան՝ Լեռնային Ղարաբաղից ավելի քան 100,000 հայերի տեղահանման իրավիճակով պայմանավորված:
Այս մասին հայտնում է Reuters գործակալությունը:
«Կարիքների ամբողջական գնահատումից հետո մի շարք ոլորտների մասնագետներ կուղարկենք Հայաստան, ներառյալ՝ հոգեկան առողջության, այրվածքաբանության, հիմնական առողջապահական ծառայությունների և արտակարգ իրավիճակների համակարգման մասնագետներ»,- հայտարարել է ԱՀԿ-ի Եվրոպայի տարածաշրջանային գրասենյակի տնօրեն, դոկտոր Հանս Հենրի Կլյուգեն:
Նա նշել է, որ մարտահրավերներն իսկապես հսկայական են. «Մենք այնտեղ ենք, որպեսզի անենք այն ամենը, ինչ կարող ենք»:
